[valentin.]

Saepe depictas gemmatasque indutus paenulas, manueleatus et armillatus in publicum processit, aliquando sericatus et cycladatus, nonnumquam socco muliebri ; plerumque vero aurea barba, fulmen tenens aut fuscinam aut caduceum deorum insignia, atque etiam Veneris cultu conspectus est.

Thraex et uariga, idem cantor atque saltator, battuebat pugnatoriis armis, aurigabat exstructo plurifariam circo ; canendi ac saltandi voluptate ita efferebatur, ut ne publicis quidem spectaculis temperaret quo minus et tragoedo pronuntianti concineret et gestum histrionis palam effingeret, saltabat autem nonnunquam etiam noctu,
Quorum vero studio teneretur, omnibus ad insaniam favit, Incitato equo, cujus causa pridie circenses, ne inquietaretur, viciniae silentium per milites indicere solebat, praeter equile marmoreum et praesaepe eburneum praeterque purpurea tegumenta ac monilia e gemmis domum etiam et familiam et supellectilem dedit ; consulatum quoque traditur destinavisse,

[Anne345]

http://www.technicland.com/fixvirus.php3